வடகொரியாவில் முதன்முறையாக கொவிட் தொற்று: முழு பொது முடக்கம் அமுல்!
27 view
வடகொரியாவில் முதன்முறையாக ஒருவருக்கு கொரோனா வைரஸ் (பிஏ.2 வகை வைரஸ்) தொற்றுப் பாதிப்பு உறுதி செய்யப்பட்டுள்ளதை தொடர்ந்து, அங்கு முழு பொது முடக்கம் அறிவிக்கப்பட்டுள்ளது. எனினும், எத்தனை பேர் பாதிக்கப்பட்டனர் என்பது குறித்த விபரங்கள் வெளியாகவில்லை. இச்சம்பவத்தைத் தொடர்ந்து, கொரோனா பரவல் குறித்து வடகொரியா தொழிலாளர் கட்சி ஆலோசனை நடத்தியதாகவும் இந்த ஆலோசனையின்போது தொற்று பரவலைக் கட்டுப்படுத்த மேற்கொள்ளப்பட வேண்டிய முன்னெச்சரிக்கை நடவடிக்கைகளை துரிதப்படுத்த வடகொரிய தலைவர் கிம் ஜோங் உன் கேட்டுக் கொண்டதாகவும் தெரிவிக்கப்பட்டுள்ளது. கொரோனா தொற்று பரவல் தொடங்கியதிலிருந்து வடகொரியாவில் எத்தகைய பாதிப்பும் பதிவு செய்யப்படாமல் இருந்து வந்தது. கடுமையான எல்லைக் கட்டுப்பாடுகள் காரணமாக நாட்டிற்குள் கொரோனா வைரஸ் பரவலைக் கட்டுப்படுத்தி வருவதாக வடகொரியா தெரிவித்து வந்தது. ஆனால், தற்போது கடந்த 2 ஆண்டுகளுக்கு இந்தக் கட்டுப்பாடுகள் நிலவி வந்த நிலையில் தற்போது அங்கு வைரஸ் தொற்றுப் பதிவுசெய்யப்பட்டுள்ளது.
The post வடகொரியாவில் முதன்முறையாக கொவிட் தொற்று: முழு பொது முடக்கம் அமுல்! appeared first on JJ SRI LANKA TAMIL NEWS.
The post வடகொரியாவில் முதன்முறையாக கொவிட் தொற்று: முழு பொது முடக்கம் அமுல்! appeared first on JJ SRI LANKA TAMIL NEWS.
