மட்டு. பனிச்சையடி பகுதியில் ஆணின் சடலம் மீட்பு!
13 view
மட்டக்களப்பு மாவட்டத்தின் கொக்குவில் பொலிஸ் பிரிவுக்குட்பட்ட பனிச்சையடி பகுதியில் உள்ள கைவிடப்பட்ட கிணறிலிருந்து இன்று மாலை ஆண் ஒருவரின் சடலம் மீட்க்கப்பட்டுள்ளது. பனிச்சையடி, ஆட்டுப்பண்ணை வீதியில் உள்ள பாழடைந்த காணியில் கைவிடப்பட்ட நிலையிலிருந்த கிணற்றிலிருந்தே இந்த சடலம் மீட்ககப்பட்டுள்ளது. இளைஞர் ஒருவர் அப்பகுதியில் முந்திரிகை பழம் பறிக்கச்சென்றபோது கிணற்றிலிருந்து துர்நாற்றம் வருவதை அவதானித்து கிணற்றை சென்று பார்வையிட்டபோது அங்கு சடலம் கிடப்பதை கண்டு கொக்குவில் பொலிஸாருக்கு அறிவிக்கப்பட்டுள்ளது. குறித்த பகுதிக்கு சென்ற கொக்குவில் பொலிஸார் இது தொடர்பான விசாரணைகளை முன்னெடுத்துவருகின்றனர். குறித்த சடலமான சிதைவடைந்த நிலையில் காணப்படுவதன் காரணமாக நீண்ட நாட்களுக்கு முன்பாக குறித்த நபர் இறந்திருக்கலாம் எனவும் பொலிஸார் தெரிவித்தனர். குறித்த பகுதிக்கு சென்ற மட்டக்களப்பு மாவட்ட குற்றத்தடவியல் பிரிவு பொலிஸார் விசாரணைகளை முன்னெடுத்துள்ளதுடன் மேலதிக விசாரணைகளை கொக்குவில் பொலிஸார் முன்னெடுத்துவருகின்றனர்.
The post மட்டு. பனிச்சையடி பகுதியில் ஆணின் சடலம் மீட்பு! appeared first on JJ SRI LANKA TAMIL NEWS.
The post மட்டு. பனிச்சையடி பகுதியில் ஆணின் சடலம் மீட்பு! appeared first on JJ SRI LANKA TAMIL NEWS.
